**خلاص حبيبتى قولتها** بقـــــلم: عـــــادل الشـــــــهـــابى**

خلاص حبيبتى قولتها
حبيبتى خلاص قولتلك إنى بحبك ....
وإنى عاوز أكون دايما جمبك ....
وحاسس إنى خلاص ملك قلبك ...
بس حاسس كمان بقلبك بشويه خوف ..
ولا يمكن يا حبيبتى ده يكون كسوف ؟....
حبيبتى أتكلمى وكونى ليا كتاب مكشوف ...
كتير قولتلك حبيبتى متخافيش ....
وعنى يا حبيبتى أبدا ماتبعديش ...
ده أنا غيرك إنتى فى الدنيا حبيبتى مليش ...
معايا حبيبتى دايما أشعرى بأمان ...
أنا ليكى الحبيب والأهل وكل الخلان ....
وليكى السكن والدار وكمان الجيران ...
قوليها بصوت عالى وسمعيهالى ...
قولى بحبك علشان يتغير بيها حالى ....
حبيبتى بلاش تفكرى وتحتارى ....
ولقلبى زى ما أختارك له كمان أختارى ...
زى ما أنا سكنك كونى أنتى سكنى ودارى ....
الحب أصله مش بأدينا ....
الحب ملناش سلطان عليه هو اللى له سلطان علينا ...
الحب مش مجرد كلمه بنقولها ....
الحب معانى كبيره فى قلبنا بنشيلها ....
بحبك ومستعد أقولها لكل الناس ...
وبعلوا صوتى أقول أنك ملكتى الأحساس ....
قوليها مستنى أسمعها منك ...
وتقولى أنك سلمتيلى قلبك ...
حبيبتى خلاص قولتلك أنى بحبك ...
بقـــــلم: عـــــادل الشـــــــهـــابى