جَدِّدوا خطاب المَشايخ
لجْل نِنْهَض بالبِلاد
من سنين الناس دى فاردَه
ف سَيْطَرتهُم عَ العِباد
والخُمينى هنااااااك بيُحْكُم
واحنا لينا ميييييت خُمينى
وألْف نَصّ يعارضوا بَعْض
ومِيِت حَديث ازَّاى قولولى
الدين حَديثُه بينْفِىِ بعضُه
ونَفْيُه بيْمِسّ الآيات
والبُخارِىِ صار كأنُّه
ب نَصُّه مُنْزَل مِ السَماء
واللِّىِ يُنْظُر لُه ب عينُه
وينْتِقِد يلْقا الهِجاء
مُش من اللِّى العَقْل فيهُم
لأ ... دا من أتْباع فُلان
والفُلان دا لو تِدَوَّر
أصْلُه إيه ايَّام زَمان
تِلْقَا أصْلُه كان يادوبَك
واد بيمْسَح سَيَّارات
رَبَّىَ ذَقْنُه وراح يصَلِّىِ
ف زَاويه ف اطْراف البِلاد
والحَرام ف لسانُه أسْهَل
من الِّلبان تحت السِنان
والحَلال انْ جات لُه فَتْوَىَ
ب جَدّ شيئ صَعْب المَنال
دِيننا أصْبَح ف الحَقيقَه
القُدْوَه فيه حَبِّة عِيال
أمَّا أزْهرنا المُوَقَّر
بَعْد ما اتْشَمْلِل وقَرَّر
يبَّا دورُه يادوب مُقَرَّر
فِ المَعاهِد دورُه غاب
واللِّى سايق بينا دِيننا
اليوم مَشايخ لاجْتِهاد
دَه طَبيب والتانِىِ قارِئ
عَنْعَنِه بَعْض الصُحاب
والحُكومَه ب دورها ساكتَه
عَشان تِلَيِّس أىّ باب
للقَلاقِل ضِدّ حاكم
ناسى سُوء يوم الحِساب
ليست هناك تعليقات:
إرسال تعليق