مصر محاوطها الخطر
مصر محاوطها الخطر من كل جانب ...
وعاوزين يتدخلوا فى شئنها حتى الأجانب ....
واللى يفكر أن أولادها هيسبوها يبقى خايب ....
اللى هينزل فى مصر هيشوف فيها العجايب ....
يا مصر ليكى كتير أعداء ....
وبيتظاهروا ليكى يا مصر بالوفاء ...
مر الزمان والأعداء هى هى ....
الكل عاوز يمحى حضارتك يا بهيه ...
مايعرفوش أن ولادك عنك مش مستغنيه ...
وللاسف الأعداء فيهم بلاد عربيه ....
بيعملوا من أجل الصهيونيه ....
مصر أطمنى ولادك أسود ....
فى السما والبر وعلى الحدود ...
وحالفين البسمه من تانى ليكى تعود ...
مصر ولادك مخلصين ليكى ....
ورايحين يمسحوا الدمعه من عنيكى ...
مصر مهما يكون أعدائك كتار ...
شعبك مش ممكن أبداً ينهار ....
ولا هيعرف فى يوم الأنكسار ....
ده أنتى اللى ربنا لأسمك فى القرآن أختار ...
وقال أدخلوها إن شاء الله آمنين ..
وليكى يا مصر والله شأن عظيم ...
أرواحنا فداكى يا بلادى .....
يخليكى ليا ولولادى ....
مصر ممنوعه من السقوط ....
تعيش هى وأحنا نموت ...
ومش ممكن ترقع لأى ضغوط ...
بقلـــــم: عــــادل الشـــــــهــــابى
ليست هناك تعليقات:
إرسال تعليق