**لعبة بهلوان**
هو كان ولا لسّه
فى قلوب الناس حنان
ليه بحس بقلبى همسه
بلاقيها فنفسى فرحه
بعد لحظه تبقى غصه
وارجع اسأل *نفسى تانى
هو ليه الشوق رمانى
للى كانى واللى مانى
واللى جه ف يوم رمانى
واللى يتنطط بخيط
واللى يلعب عالعيدان
بس نفسى معذبانى
متوهانى فالمكان
هو ايه *هو فين
طب وليه كل اللى كان
هو مين *هو امتى
هو لسه فيه امان؟؟
ده سؤال وبيراودنى
والاجابه بتعاندنى
والضمير بصمتو قال لى
افتكر دا كان زمان!!
لما كان فيه خط ظاهر
انهرده راح فى وادى
نتخدع فيه بالمظاهر
الخداع بقى اسمو ماهر
والبراعه للحيتان
اللى يكدب يبقى شاطر
فى شطارة البهلوان
يعنى امتى *تبقى انت
حد تانى زى زمان
ولا انت *هتفضل انت
لعبه فى ايدين الشيطان؟؟؟
******
عبدالله ابو النجا
ليست هناك تعليقات:
إرسال تعليق