فين العرب يا خاله ( سوريا تسأل فلسطين ) بسألك فين العرب يا بقلــــــم: عــــــادل الشـــــــهـــابى

فين العرب يا خاله

( سوريا تسأل فلسطين )

بسألك فين العرب يا بقلــــــم: 

عــــــادل الشـــــــهـــابى

أنا حزينه وحالتى بقت حاله ...

وأتشردوا ولادى بنات مع رجاله ..

قوليلى هما فين العرب يا خاله ..

نايمين وسابين دموعى ع خدودى شغاله ..

سوريا تعالى هنا وأقعدى جارى ...

من سنين منتظراهم وكنت بحلم يتغير حالى ..

تعالى هنا وأحكيلى يا سوريا حالك ...

أيه بس يا بنتى اللى جرالك ...

يا خاله كنت عايشه فى عز ورخاء ...

دلوقتى يا خاله عايشين فى عناء ...

مبقاش يا خاله خلاص أمان ..

والخراب فى سوريا عم كل المكان ...

وأتفرقوا عن بعض الأهل والخلان ...

والكل ليا يا خاله خان ...

هى دى سوريا الجميله ؟...

اللى كانوا مع بعض يا خاله عيله ؟...

جايا أسأل .. بيقولوا لينا جامعه عربيه ؟....

بيحلوا لينا فيها يا خاله كل قضيه ؟....

ليه بتضحكى يا خاله مش الحقيقه هى ديه ؟...

يا بنتى دى كانت مجرد أمنيه ...

يا بنتى دى أفكار كلها وهميه ...

دى جامعه للكلام والتسليه ...

أجتماعات بس وتصريحات عنتريه ...

يا بنتى قولى لشعبك مع بعضه يتصالح

ومن أجلك يقدموا مع بعض التضحيه ....

بدل يا سوريا فى يوم تكونى ذكره منسيه ...

خلاص يا خاله أنا راجعه ...

أترجى ولادى يمسحوا من عينى كل دمعه ..

هسألهم من تانى أنا راجعه ولا مش راجعه ..

خلاص عرفت الطريق يا خاله ...

خلاصى فى أدين ولادى الرجاله ..

بقلــــــم: عــــــادل الشـــــــهـــابى