عارف عنيك الضيقين اد ايه بتقول كلام
عارف مشاعرك اد ايه بتبان اوى ساعة الخصام
عارف بتعمل فيا ايه كلمة حبيبتى
وقت ماتقولها ف سلام
كل شئ ف الكون بيضحك وقتها
كل حاجه بحبها
حتى الوان الصور والذكريات غيرتها
شكل الشجر .. صوت المطر
ضى القمر لما بيدارى ف عنيك
جواك طبيعه ماشوفتهاش غير بين اديك
كل لحظه تمر وانت جمبى حياه
كل لهفه من عيون الشمس واصل منتهاه
حتى بعدك وقت قسوه
ببقى حابه الشوق معاه
ببقى شيفاك لما تبعد اد ما تقرب تغير
البعاد .. اصبح مايفرقش ف مصير
يعنى اد ماتبعد ابعد
مش هتستحمل كثيير
انت اجمل معنى يعني للحنين
وانت اجمل شئ ملكنى ف السنين
وانت لوهتقول بحبِك بس مره
قلبى وعيونى مصدقين
ف ماتلومشى عليه اكمنى ما بنمشى
انام ازاى وانا رمشى مانمشى سنين
فى حد يكون هواه انت واسيب انت
ولو ساعتين
فى حد يكون سكن حضنك يبات حاضن رموش العين
انام ازاى واشواقنا نفوتها لمين!!
ليست هناك تعليقات:
إرسال تعليق