رسمت عيونك بالاشعار
وعزفت شفايفك بالمزمار
والنسمة تاجينى توشوشنى
وتقول مبروك القلب اختار
-------------------------------
اخترتك بس وليه احتار
وسحِرنى برمشك ليل ونهار
لو تبعد لحظه اسأل عنك
وارجع لك من اول إشعار
-----------------------------
لو تبعد عنى انا هاتجنن
فى بعادك قلبى مولع نار
هاقول للغربة الله يحنن
وهاعيد وياك كل المشوار
-----------------------------
هاكتب لك غنوه بدون احبار
مطبوعه بهمسى على شفايفك
دى حروف احساس بتشعلل نار
وبقلبى اقولك انا شايفك
----------------------------
مين قال الحب يا ناس غدار
طب ايه فاضل لو راح منا
الحب حياة كلها أسرار
فى وجوده نعيش وبنتهنا
------------------------------
وانا هارجع اعزف ع المزمار
وحبيبى نعيش سوى فى الجنه
هنفول ح ب مفعول جبار
والسحر بتاعها بيجمعنا
-----------------------------
وانا هارسم صورة على خدك
والورد هاجيبه على ادك
والشوك راح اسيبه مع الاشواق
يجرحنى لو يوم فيه بعدك
-----------------------------------
بحبك يا حبيبى تعالى
وانت معايا انا مشتاق لك
اسمك محفور اوى جوايا
وبردد فيه وانا بندهلك
--------------------------
حبيتك والقلب اختار
ليه اتعب او حتى احتار
رسمك مرسوم على اشعارى
باتغزل فيه ليل ويا ونهار
--------------------------------
اسمك رسمك طيفك ظلك
فى حياتى وجوايا جدار
لو عينى غفلت هاتقولك
شيفاك لو حتى مفيش ابصار
--------------------------------
عيونى مرسوم فيها صورتك
ولسانى على طول مع سيرتك
والقلب يدق بهمساته
احساسه بيطلع اشعار
---------------------------------
معقوله دا حب معقوله
معقوله دا عشق اكيد من نار
مجنون والعشق مدوبنى
اياك تبعد تانى وتسيبنى
مش هاقبل منك اعزار
-------------------------------
مش هاكتب تانى
خلاص فى الحب
ولغيرك مش هارسم اشعار
بحبك
ليست هناك تعليقات:
إرسال تعليق