ليه الكلمه **بقلـــــم: عــــادل الشــــــهـــابى

ليه الكلمه
ليه الكلمة مسجونا جوانا ...
ليه أحنا تايهين ومتوهنها معانا ...
وليه كلامنا مش بيرضى جميع الأطراف ...
وليه أحنا خايفين والكلمه بقت من خوفنا تخاف ...
أطلعى يا كلمة ومتخافيش ...
قولى الحقيقة وميهمكيش ...
أطلعى علشان أقدر أعيش ....
فى الحق لا تخافى لوم اللايمين ...
ولا يهمك يا كلمة ظلم الظالمين ...
يا كلمه أخرجى وشقى الصدور ..
أخرجى يا كلمة من الظلام للنور ...
أخرجى وبلاش نلف على بعض وندور ....
كلمة وأنتى عارفه طريقك ....
والحق خليه دايما صديقك .....
يا كلمة كسرى كل الببان ...
إتكلمى و خلى الحق للناس يبان ...
أخرجى وصدقك خليه أكبر برهان ...
كلمة الحق لازم نقولها ....
وللناس يبان أكيد مفعولها ....
كلمة ولازم نفك أسرها ...
والصدق يكون بين الناس كلها ...
خلى الصدق عنوان لحياتك ....
خليه بين أصدقائك كمان وأخواتك ...
بلاش نكون عليها سُجان ...
أطلعى يا كلمة وأملى كل المكان ...
مش عاوزينها تكون على هوانا ...
أو بس تعبر عن اللى جوانا ...
بقلـــــم: عــــادل الشــــــهـــابى