ساعه قصاد التليفزيون
بسمع كلمات شاعر مجنون
ومطرب وسطه بيترقص
زي الهزاز جوه التليفون
يخساره ساعه من الاسفاف
الحان معدومه من الاحساس
تنطيط ومشاهد عريانه
تخلي الاعمى حزين لو شاف
خلاص الفن أصبح كباريه
رقاصه وخمره عشان البيه
يسكر وينقط بفلوسه
يخساره والف خساره عليه
زمان الفنان كان حاجه
أشعار تلحين كله شياكه
دلوقتي الفنان ولا حاجه
طبله وزماره ورقاصه
ساعه قصاد التليفزيون
فن وإسفاف كلمات ملعون
بيدمر حس وزوق الناس
قضيه ومفروض يتحاكم
كل وزير راضي مهما يكون
ليست هناك تعليقات:
إرسال تعليق