يتيم
كل الأولاد خارجين
من المدرسه مروحين
شايلين شنطهم فرحنين
أهاليهم ع الباب مستنين
هيقبلوهم بالأحضان
ويمدوهم بالحب والحنان
وفى بيوتهم
يحكوا لأهاليهم
عملوا أيه مع المدرسين
وأنت يايتيم يامسكين
مستنى مين
يااللى شايل حمل السنين
ياللى محروم من الحنان
ومن الأحضان
الفقر عشش جواك
والبؤس ملا عنيك
تعال لى أضمك
وأدعو ربى
إنه يمن عليك
بقلم:محمد حجاج
ليست هناك تعليقات:
إرسال تعليق