مصر عروسه...بقلم/ عادل الشهابى

مصـــر عروسه

شايف مصر بفستان العروسه ...

وشايف ولادها بيبسوها ألف بوسه وبوسه ...

شايفين أحلامهم فيها ورديه ....

ومصر بيهم كمان متغطيه ..

وفى حضنهم أكيد محميه ...

لأن الكل بيقدموا أرواحهم ليها هديه ...

مصر يالى علمك بتلات ألوان ...

أحمر بدم المستعمر الطمعان ...

وأبيض للمصرى الحر الأنسان ...

وأسود على كل خاين وجبان ...

يا مصر زعلناكى أنا عارف كتير ...

ولكن يا بلدى شايلنلك الجميل ..

جميلك يا مصر فوق راسنا من فوق ...

جايين نرتمى فى حضنك وكلنا شوق ...

يا مصر أحنا من غيرك مش ممكن نعيش ..

أنتى لينا الهوا أنتى الميه أنتى الغموس والعيش ..

أقول يا بلدى على سر وكلنا له عارفين ..

والله يا مصر بنتباهى أننا مصرين ..

ومين زينا بحُبك يا بلدى مين ..

بقلـــم: عـــــادل الشـــــــهـــابى