تعالى نعيش...بقلم عادل الشهابى

تـعالى نـعيش

حبيبتى تعالى نعيش فى دنيا تانيه ...

دنيا ما نزعلشى فيها ولو ثانيه ...

دنيا ما فيهاش حبيبتى لايمين ...

ولا فيها ألم وأنين ...

تعالى وهاتى أيدك فى إديا ...

تعالى نخلى أيامنا ورديه ...

حبيبتى دى الفرحه هناك مستنيه ...

فرحه هنعيشها أنا وأنتى كل يوم ...

نفرح وننسى من خلالها الهموم ...

تعالى نعيش فى دنيا ما فيهاش عتاب ..

ولا فيها شجن حبيبتى وعذاب ...

تعالى ويلا نقفل فى وش الحاسدين كل باب ...

حبيبتى أنتى شىء مهم فى حياتى ....

أنتى اللى معاكى بنسى كل آهاتى ...

وبحبى فى قلبك بسجل كل ذكرياتى ...

حبيبتى يا حُب يا شوق يا حنيه ...

يالى حضنك بيشيل عنى كل آسيه ....

يا أجمل صوره شافتها عنيه ...

زيك مش ممكن يكون موجود ...

أمشيلك على الشوك وأعديلك أنا حدود ..

يا حب طاهر يا قلب عاشق بدون قيود ...

يا بسمه صافيه يا ضحكه دافيه تاخدنى من الوجود ..

إنتى اللى قلبى ليكى أختار ...

من غير تعب ولا كتير أفكار ...

تعالى نعمل من قصتنا دواوين ...

يتعلموا منها كل العاشقين ...

ويشوفوا أزى الشوق والحنين ...

يا ضى غالى أنتى للعين ...

تعالى نعيش فى دنيا تانيه ...

تعالى وبلاش نضيع ولا ثانيه ...

بقلـــــم: عـــــادل الشــــــهـــابى