زغردوا يا ولاد بلدنا
البلد عمالة تطلع للعلالى
هاتلقوها نهر صافى
هاتلقوها ف الخيال
زى خيل الصبح جاية
منورة
زى نجمة ف السما
متحررة
فيها طعم الفتح عالى
فيها نهضة
فيها روح الحب رامحة
ف المجال
مش هنرجع خطوة واحدة
احنا وحدة
احنا صممنا اللى جاى
زى ترزى ف حضنه ناى
ما تلقيش ابن اللئيمة
بينا تانى
احنا ثورة خضرة طارحة
كتير معانى
ما بنقفش للحواجز
واللى بيقطع عروقنا
هو عاجز
احنا لو من غير ما قولها
حرف بتعدى التاريخ
اهبطوا مصر تلاقوا
أمن إيه
وقمح إيه
لو شربت النيل يقول لك
إنت راجع
إنت ساجع زى طير
طوف وشوف
هيه مصر أم القطوف
هيه مصر ام الفراعنة
هيه مصر ام المسيح
هيه مصر ام الامين
هيه مصر اللى ف قلوبنا
والعيون
الشاعر وحيد راغب عضو اتحاد كتاب مصر
ليست هناك تعليقات:
إرسال تعليق