سادة ماشى
بس دوبها باديك
المقال اللى انت كاتبه
جوا منه مش لقيك
مهما تعزف فوق غبارك
جمر نارك
هو ليك
تمتحنى
ما انت سربت الاجابة
واخترعت الغش فيك
لا المراقبة شايفة منك
غير مخادع
وانت بارع تخفى قصدك
جيت لفصدك
فالوباء تحت العباية
زى ريح مهبولة عصف
والسلاح مش بندقية
السلاح نظرة شقية
وبرتقانة مشققة
بترشفها رشف
سادة ماشى
وقت ليل والقمرة طالعة
مصهللة جوا القلوب
بتناجينى بلحن عزة
واحضنك بحروف كثير
سكرك دوبنى دوب
مين يخبى سحر شمسة
لما تغطس جوا قلبك
ف الغروب
قاعدتك كاس السكارى
وبصتك حان الحيارى
والعبارة خارجة منك
نهر جارى
وغنوة لحنها الكنارى
بس خايف تبقى حارة
سد يمكن
أو شطارة
عمرى حضرته بجنك
ليه ف ظنك
قهوتى ما اشربش منها
قبل منى قلب عاشق
فين تهامة وحضرموت
وعمرو سابح ف الحجاز
بالكناية والمجاز
شهقة واحدة ف بق شوقة
تبقى موت
الشاعر وحيد راغب عضو اتحاد كتاب مصر
ليست هناك تعليقات:
إرسال تعليق