عـــــادات 2
فى الشارع فارش فكهانى ...
تفاح وموز وحاجات تانى ...
والناس من عمايله بتعانى ...
تشترى فاكهة بيغشك فيها ...
وممنوع واحده على الفاكهة تمد إديها ..
هو اللى ينقى ويوزن ويديها ...
وتاخد وتمشى وماتبصش بعنيها ...
من خوفها الست تاخدها وتروح البيت ...
تشوفها تقول يا ريتنى ما كنت أشتريت ...
ولا من الشارع اللى فيه الفكهانى مشيت ...
آدينى فلوسى على الارض رميت ...
ترجعله تانى تكلمه ...
فاكره أنها هتفهمه ...
وبغشه لها هتندمه ...
تلاقى أسلوب عصبجيه ..
وتسمع ألفاظ مش هيه ...
والمدام يقولها يا وليه ...
يا ست يلا خدى الفاكهة وأرميها ..
علشان تتعلمى للمره اللى بعديها ...
أديكى اتغشيتى وسمعتى كلام فارغ ..
علشان تانى مره ماتشتريش من بتوع الشارع ..
اللى لتوب الحياء خالع ..
وأنت ليه يا أخى حرام عليك ..
أهى بتدفع فلوس ليه تنقى أنت بأديك ...
عاوزه تاخد حاجه نضيفه ليها ولآولادها ..
ليه أنت بالهم تزيدها ..
خاف ربنا من الأساس ..
ده راس مال التاجر الخلاص ..
بلاش تغش الناس ..
ودى مش المهنه الوحيده ..
بكره هنتكلم عن مهنه جديده ..
بقلــــــم: عـــــادل الشـــــهــابىش
ليست هناك تعليقات:
إرسال تعليق