تحيه
ألف ميت مليون سلامه
الف ميت مليون شهامه
علي حفروا قناه بايدهم
وادوا للعالم هديه
مصري صح ولد ابوك
ايد تعمر ايد تحارب
اللي في الدنيا يعادوك
هما دول المصراويه
ربي حارسك في سماه
يا ابن بلدي ياللي حفرت القناه
ليك تحيه ليك عنيه
أحنا شعب ميه ميه قول لكل الدنيا ديه ، تحيا مصر أدوا للمصري التحيه
علي صوتك ياللي بأيديك العفيه
حفرت قوتك قول لأم الدنيا مصر
م النهارده الفرحه جايه
مووت علي أرضك وعرضك
كل مره ما طال سكوتك
قومت في اكتوبر يا مصري
خدت تارك م الصهاينه
رجعت الأرض بخضارها سينا بتعمر ترابها
إيدين رجالها وهما دول نعم الرجال
اللي حافظوا ع البلد حره أبيه
وهي دي أم البلاد ...................
اللي الكتاب قال عليها ..........
أدخلوها أمنين
أحنا شعب طيبين
أحنا شعب مؤمنين
مصر بالإيمان قويه........
أحنا شعب ميه ميه قول لكل الدنيا ديه ، تحيا مصر أدوا للمصري التحيه
دم مصر في وريدي
مسيحي مسلم مش هايفرق
أي لون ، نوبي فلاح أو صعيدي
في حب مصر كلنا حاملين هويه
ألف ميت مبروك يا مصري
عشت دايماً بالعزيمه
علي فرحك رجع الفرحه
اللي كانت غايبه عنك مداريه
خلي كل الناس تشوف .......................
جاي م العالم ألـوف
يشهدوا إنجاز ولادها
اللي عاشوا معلمين مش هفيه
تحيا مصر رمز دايماً للوجود
تحيا مصر رمز عنوان للصمود ،
م الفراعنه م الجدود
لسه باقيه هي هيه
أحنا شعب ميه ميه قول لكل الدنيا ديه ، تحيا مصر أدوا للمصري التحيه
............................................................................
بقلمي / رأفت يوسف
6/8/2015
ليست هناك تعليقات:
إرسال تعليق