***** حكايــة شعـــب ***** بقلم الشاعر // سيد الدابى
قال الشعب كلمته
كتب القلم البداية
على حيطان سكته
واليوم سطر التاريخ
حكاية مصر وشعبها
على ارضك يا سينا
وبالصمود رفعنا العلم
اعلى راية فى الوجود
طبعاً اسود ولاد اسود
وشعبك كسر القيود
ريسنا البطل
شق الصعاب
عدّى المحال
حفر القنال
فرحت الدنيا بهمته
وعدّت سفينة
ورسيت سفينة
وبدل المينا الف مينا
وعمار يا سينا
وقرية ومدينة
وتحيا مصر للابد
وارفع راسك يا بطل
جيشك جسور
أقوى نسور
ومن عبور لعبور
لحد يقدر يهزمه
اصل الحكاية ....
كانت البداية
من كام سنه
على ايد خاين
باع الوطن
دمر وداس
على كل الناس
إلا عشيرته وعزوته
أخوان و داعش
بالكدب دمر الوطن
لعنده دم ولا حسيس
باع دمنا بالرخيص
وعدّت علينا اسود سنة
عايشين بنندب حظنا
وف يوم حلمنا نتوحد كلنا
مع بطل يحقق حلمنا
يخلصنا من شلة النخاسين
الخاينين ... الكدابين
اللى باعوا عرضنا
وقتلوا جنودنا على ارضنا
وقالوا هم بس المسلمين
رافعين راية الجهاد
جهاد لصالح عدونا
جهاد نكاح جهاد نباح
جهاد نفاق وانقسام
جهاد نهى عنه الاسلام
وف يوم تلاتين من يونيه
نادى الزعيم البطل
لشعب مصر ام الدنيا
ولبى الندا
وخرج الشعب بالملايين
فى كل الشوارع والميادين
نحرر وطنا وارضنا
من الارهاب والخاينين
ورجع تانى الوطن
على ايد رجالك يا بهية
عدينا معاكى المحن
يا مصر يا اغلى وطن
يا جنة على الارض وسكن
لاهمنا من الدنيا خوف
خلينا العالم يشوف
المصرى ما يهيب المحن
ويشهد علينا الزمن
رافعين راية السلام
مدّين ايدنا للاوطان
عايشين نحقق حلمنا
بايادى طاهرة وبريئة
والنهاردة نحمد ربنا
حققنا اولى خطاوى حلمنا
والحلم اصبح اجمل حقيقة
وباختصار دى حكاية شعبنا
********************
كلمات الشاعر // سيــد الدابــى
ليست هناك تعليقات:
إرسال تعليق