بدور على حروف ..بقلـــــم: عــــــادل الشـــــهـــابى

بدور على حروف 

عاوز أكتب كلمه وبدور ليها على حروف ....

عاوز حروف لا تؤمن بضعف ولا تعرف خوف ...

حروف تواجه الظالم بدون أى كسوف ...

عاوز حروف تخرج فى يوم عن المألوف ...

سألوا الظالم ليه بتظلم ووشك كده مكشوف ...

قال علشان محدش على ظلمى بيبص ويشوف ..

يا كلمه مالك جوانا مسجونه ....

أخرجى وواجهى وبلاش تكونى ملعونه ...

قالت يا بنى البشر أنتم والله وجعتونا ..

أنتم يا بنى البشر اللى جوه صدوركم سجنتونا ..

قالت الحروف موجوده بس عنيكم مش شيفاها ..

هى مسجونه جواكم ولا أنتم اللى مسجونين جواها ..

الحروف موجوده هى هى ....

وفى حياتنا من الأشياء الأساسيه ..

أنتم بس اللى بتخدوها علشان الأغنيه ..

نمدح ونكون مطبلتيه ...

رتب حروف وقول منها كليمات ...

رتب حروف وللظالم قول وهات ..

قولها وفك أسرها ..

وبالصدق واجه الناس كلها ...

أخرجى يا حروف وقولى اللى أنتى شيفاه ...

قولى كلام الكل يعرف معناه ...

واجهى الظالم والمظلوم خليكى معاه ...

قولى الحق ولو حتى قولتى الآه ...

خلاص يا بشر خلاص يا حروف ..

قلبى قوى وراح منه الخوف ....

هواجه الظالم وبدون أى كسوف ...

لقيت الكلمه خلاص ولقيت حروفها ...

نويت أحررها وأشيل منها خوفها ....

وورده الصدق أحطها على كفوفها ...

بقلـــــم: عــــــادل الشـــــهـــابى