أنا اللي كنت فاكرك صاحبي
و كنت عايش عمري ليك
عمري ما أتخيلت يا صاحبي
جرح قلبي يكون بايديك
طول عمري أنا كنت أضحي
بالغالي و الرخيص و أشتريك
هانت العشره يا قلبي
علي أعز الناس اليك
سابك في و سط السوق يا قلبي
للناس يشتروا و يبيعوا فيك
و أنا اللي فاكرهم حبايبي
لكن خدها وعد مني ليك
هنسي كل اللي جرحوا قلبي
و هعيش حياتي بس ليك
أنسي اللي كان السبب في غلبي
و اللي باعك و جار عليك
نفسي أعرف ايه بس ذنبي
و أنا اللي كانت روحي فيك
أنا اللي كنت علي طول تملي
بأتمني كل الفرح ليك
كنت فاكرك أنت خلي
و أنت خيبت ظني فيك
قولي بعدك مين فاضلي
لما هونت خلاص عليك
كنت عاملك زي ضلي
و قولت أعتمد عليك
كنت مخلص ليك تملي
و أتاري الخيانه طبع فيك
ياما الناس كانت تقولي
و كنت أنا أدافع عليك
لكن أخرتها أتضحلي
أنك مفيش غالي عليك
لاء و عامل فيها صاحبي
و أنت كل الغدر فيك
كل ما للجرح أخبي
ترجع تنكشو تاني بايديك
بأدعي أنا بالله ربي
أشوف مرارة الجرح فيك
و تحس أنك ظلمت قلبي
لما الأيام تجور عليك
يس ساعتها يا صاحبي
و خدها كلمه مني ليك
راح أاقول و مش هاخبي
هتبقي فرحة قلبي فيك
و أخر كلامي حسبي ربي
في اللي ظلمك ياقلبي
ظلمك و جار عليك
ليست هناك تعليقات:
إرسال تعليق