أمشي واجوب الشوارع
واسهر واشوف الطوالع
واقف قصاد كل جامع
واصرخ ياهووووو حد سامع
ازاي تروح المواجع
وفين نلاقي اللي رايح
ومين يداوي الجرايح
دة الوجد يكوي الجوانح
ولية يا ناس فكري سارح
فراقه طال ولا قال حيغيب
والكون في بعده ايقاعه رتيب
ياللي انت كنت أعز حبيب
امتي أشوفك وتجيني
و تحلي من تاني سنيني
وتخلي قربك يرويني
ازاي بعيد وانت قريب
عشمان انا في قلبك طيب
وبلمستك تيجي تطيب
حبيبي انت ونور عيني
يا ساعة الود ما بينا
دبلت ورودنا وياسامينا
وكان زمان بيغيروا منا
الهجر لية صار ملازمنا
ما تيجي نرجع من تاني
ويبقي شطك عنواني
و يصير هواك هو مكاني
لا انساك في يوم ولا تنساني
ليست هناك تعليقات:
إرسال تعليق