فكرة
لو كل الكون بيحاربك
ماتخافشي ولا يزيد كربك
كملها لآخر دربك
اثبت وريهم حربك
واوعي ف يوم ينفد صبرك
لو فكرة و مؤمن بيها
لية تخجل وتخبيها
ركز وارسم معانيها
دي طموحك وانت شاريها
مش كل الناس فهماك
ولا تعرف اية جواك
فيه حلم بيستناك
شئ قابل للتحقيق
لو حتي ف جب سحيق
مهما يسببلك ضيق
في الآخر تجني رحيق
والكل حيبقي صديق
بعد اما كان بيحاربك
كملها لآخر دربك
اضحك علي كل كلامهم
وريهم يالا مقامهم
واثبت انك قدامهم
والكل حيمشي وراك
كام جاهل حارب فكر!!
كام عالم داق القهر
وأديب اتمنع النشر
في الآخر شافوا النصر
ودة طبعا ثمرة صبرك
كملها لآخر دربك
بقلم /محمد فصيح
ليست هناك تعليقات:
إرسال تعليق