تمت إضافة 2 صورتين جديدتين من قبل إسماعيل ذكى.
باحكومه
ياحكومه يالى
بتحكمينا
مصر ليكى
ولا لينا
عيب عليكى
حسى بينا
احنا ناس مادين ايدينا
وانتى ليه مش سائله فينا
اللى قابلك داس علينا
وانتى ايه هتموتينا
عايشين بنتألم
ولما نتكلم
بسرعه تصنفينا
وتحبسينا
حسى بينا
وحسسينا بالأمان
حسسينا ان احنا لينا
جزء من المكان
الله يرحم أهل زمان
كانوا بيشيلوا من المليان
وبيسقوا واحد عطشان
علشان حاسين بالغلبان
لكن انتوا الواحد شبعان
ويميل على أكل جعان
فين العدل فين المساواة
ولا الحق معاكم تاه
واحد عنده المال والجاه
والتانى الأكل ما يلقاه
قولوا لعبد الناصر قوم
شعبك من بعدك مظلوم
مشلاقى أكل ولاهدوم
ولاحتى بيشبع بالنوم
حكام وضميرهم معدوم
فاكرين الدنيا هتدوم
دى يوم معانا ويوم علينا
حسى بينا
ولا لازم حقنا
ناخده بايدينا
اسماعيل ذكى
ليست هناك تعليقات:
إرسال تعليق