(بين غربتين )
رايح على فين ياقلب زانه الجرح
ياتايه مابين غربتين وغاب عليك الفرح
وبلاد مافيها امل ولاخير نبت للطرح
ولاحتى قلب حنون يبنى معاك الصرح .
.
.يااابحر يامحمل على موجك الركاب .فى جوف كل مهاجر هتلاقى قلب اتزان
تايه مابين غربتين ومفارق الاحباب .
ساكن فؤاد انسان عايش بدون انسان
حلمه اللى حلمه سراب
ملقاش ف وطنه مكان
وسال عن الاسباب
كيف اهجر الاوطان؟ !!
لسؤاله الف جواب
مايخليهوش حيران
اول جواب ف كتاب ، عنوانه ديب سعران
والديب دا اسمه الفقر .مفعوله غلب الجان
بيكسر المجاديف يمحى الامل كالطيف والقلب مهما ان كان قوى وياه بيبقى ضعيف
،
وانده عليه ياقلب، يااقلب رايح فين؟! وطنك جنان الارض وانت اللى ليه بتزيين
رد عليا وقال . جوه الوطن محجور بره الوطن مهجور وف دايره زى الطور عمال بلف وادور
وغلبت اناديله فقولت اناجى الطير
ماهو اصله بشبهله والسر عنده ف بير
ياطير مهاجر بعيد قول للبعيد يرجع
قوله الفراق حراق جوه القلوب يوجع
قوله البلاد ريداك تبنى معاها طريق
لو جيت ف يوم حنيت من دا الطريق ترجع
بعتلى مرساله وقالى ف جوابه لوطنى انا حنيت لكنى كل مااحبه الاقينى ماتحبيت
ياما قتلت الذات من اجل اوطانى ربيتها ف احضانى لكنى انا ف حضنها والله ماتربيت
رجعت اناجى البحر
ياابحر امنتك ترحم قلوب تايهيين
رتب لهم موجك يدعو تقول امين
واحفظ لاسرارهم واحكيها يوم الدين
يمكن دى تغفر لهم لو نفسهم ظالمين
مانا قلبي كان منهم (تايه مابين غربتين )
ليست هناك تعليقات:
إرسال تعليق