الاسر...
مش قضبان وزنزانه ...
الاسر كلمه ضاع عمرك وانت مش قادر تقولها
الاسر...
شمس نورها مالى الكون حواليك
مدفياك ....
وانت مش قادر تشوفها
الاسر ...عمره ماكان اسواره
فى ايد سجان مفاتحها
الاسر ...
عمى صاب القلوب
كسرها ...شوهها ....
غير ملامحها
كسر قيودك ...
زلزل حدودك....
اكتب بقلمك شروط وجودك
خايف ..تتوه
خايف تضيع ...
ماانت تايه وانت عايش برا حلمك
ولا اقولك ...
خليك ماشى مع الماشيين...
بس ما ترجعش تسأل
سكه الرجوع منين!!!!!
بقلم . هدى سعيد (هدى أبو نعمه)
ليست هناك تعليقات:
إرسال تعليق