احزان لا تنتهى
بحس ان الحزن صاحبى*** عايش معاى ليل ونهار
عمره فيوم ما فارقنى *** بيجينى حتى ف الاحلام
صديق مخلص ما بيبعشى*** وصاين عشرة الايام
***************
امانه يا صاحبى فارقنى *** وشوف لك حد يكون خالى
ووعد الحر خده منى **** عمرك ما تيجى على بالى
رد على بصوت فرحان**** دا انت على عزيز غالى
************
يا هم كفايه وارحمنى**** ده شعرى شاب من غلبك
وبيع العشره يا صاحبى**** ولا تعاتبنى ولا اعاتبك
امانه يا هم تنسانى **** وطلع حبى من قلبك
************
نسجنى خيوط فى توب اسود**** وفصلته على قدى
زرعت طريقى بالاحزان**** وقلتلى خلاص عدى
اعدى ازاى مش شايف**** ولا حدش ماسك يدى
********************
قالى خلاص خد يدى**** هعدى بيك من الاحزان
وتمشى معاى متغمى **** وهوصل بيك لبر امان
بس اياك تخالفنى **** ولا تقولى اروح لمكان
*************
ورحت معاه ومش شايف**** ولا سامع غير العديد
ناس تبكى وناس تلطم **** تقولشى كانه يوم وعيد
وقلى خلاص سيب يدى **** وعيش يومك ده صبح جديد
****************
وفتحت انا عيونى *** شفت الناس متهانه
عايشه حياه بلا بكره *** واكله اللقمه باهانه
ناس بعيون كما الفناجيل *** بس عيونها عميانه
**************
وقلت خلاص مفيش مهرب *** من الوعد ومن المكتوب
وقلت اصبر على وعدى ***يمكن فيوم يدوب التوب
اوصاحبى يفارقنى **** واضحك بدل ما انا مغلوب
****************
بص لى وقلى خلاص **** مفيش مهرب من المكتوب
مفيش مهرب من المكتوب
بقلم \ الشاعر عبدالعاطى حسين
ليست هناك تعليقات:
إرسال تعليق