قلبى على بلدى انفطر
الطير هجر
والطرح دبلان
ع الشجر
حتى القمر
له زمان
مابان ولاظهر
والجرح مليان
وقرب ينفجر
ليه بقينا الف ايد
ماكنا ايد واحدة
والدم يوم عن يوم يذيد
وبقت القلوب جاحدة
وتمشى فى الشوارع
تلاقى الود ضايع
والهم متركن
ذايد وبيدكن
وشموعها مطفية
ودموعها حنفية
وحيل ورا حيل يفوت
احلامنا بتندفن
جيل ورا جيل يموت
وبنشحت الكفن
ولاحد بيفتكر
وانتى قلبك حجر
اسماعيل ذكى
ليست هناك تعليقات:
إرسال تعليق