ابنى الوحيد ...... ( أغـنــــيـــــــة )
==============================
ابنى الوحيد ضربنى
أيام كنا سوى
عاتبته قام طردنى
وده جرح مالوش دوا
ضايع فى الدنيا ابنى
عاصى وتاه فى الهوى
ها اشكيه لمين قولولى
شكيته لربنا
سقيته من حنانى
محروم واديته تانى
علمته ياخد ويدى
ياخسارة طلع أنانى
عايشته فى السعادة
واديته كل حاجة
سابنى وانا لسه بنزف
مرمى جوه العيادة
بكرة ابنك يبقى لونك
وجميل هايرد هولك
كاس داير قال نبيك
داين تدان
ماليش فى الدنيا حد
تايه وبقول يارب
قرب عمرى اللى باقى
دعاء ومستحب
مشيت كتير فى ليلى
وسألت كتير ضميرى
ابنى كان غصب عنى
سيبته يسافر ياعينى
ابنى اللى ربيته
بعد امه ورعيته
فى القلب حطيته
وف حضنى ضميته
آه من دنيا زمنها قصير
كل الناس فيها بتتغير
لا الظالم بيعيش على طول
ولا معدول بفضل معدول
هى الدنيا تمللى تدور
وكله عليه الدور
بعد ما جرحنى وبكانى
راجع نادم يترجانى
قالى يابا غصبن عنى
ده ابنى مهما يكون
....................................................
أيمن يوسف احمد يوسف
مصر - بورسعيد
ليست هناك تعليقات:
إرسال تعليق