فلسطين أنت الغنوة والموال
=================
يا عطر الندى يا زهر البرتقال
على أرضك فرشنا الأرض فل وريحان
ودورنا زيناها بدوالي العنب والتين والرمان
قلوبنا مشروحه ما فينا محروم ولا غلبان
ساحاتنا فرشناها محبة لكل انسان
يوم الفرح الكل سعيد وفرحان
دبكات ودحيه وابو أحمد يغني
زريف الطول وميجانا وعتابا
ساق الله على أيام زمان
صبايا القرى على طريق النبعات
بشاشتهن وأثوابهن المطرزات
والفلاحين راجعين من الأرض
هذا علي بغني لبنت عمه موال
وحسن مقصوف الرقبه
بقول لبنت خاله انت روحي
حبك في قلبي من زمان
وفي ليالي الصيف والقمر ضاوي
بحلى السهر وتعلى الضحكات
والجاره بتحكي مع الجاره
كله حكي نسوان
فنحيه تجورت وسعديه أجاها خطاب
شو بدي أحكي لأحكي
فلسطين النا مهما جار علينا الزمان الأديب د. رسمي خير
ليست هناك تعليقات:
إرسال تعليق