بنادي ع السُكات
طب ليه بنادي ع السُكات
طول عمري عايش
ع الآهات
وكنت أنادي ع الحبيب
لكنه عمره ما سمعني
أتاريني لما كنت
أنادي كنت أنادي
عليه في سري
وأنه ما يعرف يوم بحبي
كنت أحبه في سُكات
وحبه كان يجري في دمي
بس كان يجري في سُكات
ولا عمري قلت أني بحبه
وكتمت حبه جوة قلبي
جوة نفسي في سُكات
وعيشت عمري ع الآهات
وقفت أكلم يوم في نفسي
طب ليه بناد ع السُكات
وعيشت أنده عليه
بس بنده في سُكات
كنت خايف أنه يسمع
وفضلت أسأل
في سُكات
أنا حبي عايش
ليه في سُكات
ولاقيت نفسي بِتـّــرُد عليا
لأنه عُمر حبي
ما عاش حقيقة
أو حتى عاش يوم
حب في عزاب
أو قلبي عاش
يوم في حيرة ويا حبيبه
ولاقيت نفسي رادّد بالجواب
لأنه كان دايماً حب
في سكات
لاحبيب يعرف أني بحبه
أو قلبي بطّل في
يوم آهـّـــات
طب ليه بنادي ع السُكات
ما طول عمري عايش
في السّراب
وكان حبي وجع
جوة قلبي
ولا عمري سمعت
من حبيب كلمة بحبك
ولا حتى سمعت من
حبيب مرة آهات
لكن آهاتي كانت كتير
جوة قلبي ويا نفسي
نفس عايشة ع التمني
نفس عايشة ع السُكات
واللي عرفته من كتير
أن قلبي هوه اللي خاني
وأن اللي حبه
عمره ما يوم ظلمني
وأن قلبي هوه الوحيد
اللي تعبني في آهاته
ويا عذابه
يوم ما حب حد ...
ما حس أبداً يوم بحبه
ولا عمره عّرف يوم بحبه
طب ليه بنادي ع السُكات
يا نَفس نِفسِي مرة
أقّــول بحبك
أو حد مرة يقولها لّيـــَا
أو قلب مرة يحسّ بِيــــِـا
ما تّرُدِي يا نَفسي علّيا
قبل ما موت م السُكات
بقلم : الشاعر / الشافعي محمد الشافعي
مرسى مطروح في 18/5/2015
ليست هناك تعليقات:
إرسال تعليق