الفُرقه صعبة والعيشة فيها آسى
من طول الليالي
والقرب منك بقالي ذكرى وأماني
مرسومة في خيالي
ولسه برضه حتى النهاردة ساكن فؤادي
حبك يا غالي
ذكرى حبك أحلي ذكرى تمر بحياتي
أفتكر همس شوقها أنسى آهاتي
ذكرى أيام إن جت ع البال نفرشها
أحلام وورود
كل لحظة مرت علينا وصال
نكتبها بعهود ووعود
دنيا منك جرى لي فيه وطال
في قسوتها قدر موعود
عشت فيها وكل يوم يتمنى قلبي
آجي وأقابلك
من بعيد أسمع وأشوف وأحس
حتى بنبض قلبك
كنت ليا الحب اللي كان أتمنى قلبي
يعيشه ف أمان
وغنوة حب نسمعها بأشواقها تشجيني
وتسقيني حب وحنان
ليه بس أسى بيك الزمان
تغدر وتنسى حبي اللي كان
أوعاك تقوللي ده العمر عدى
وبأبكي عليه
هتقولي أيه وإن ياما قلت يفيد بإيه
كفاني حبي اللي هجرته وما سألت فيه
واخترت كاس شربت منه
وما شفت حتى إيه اللي فيه
ذكرى حبك أحلي ذكرى تمر بيا
لما أعيشها دموعي تسبق نظرة عيني
من خواطر
محمد كامل موسى
ليست هناك تعليقات:
إرسال تعليق