أهم المنشورات

الأربعاء، 6 مايو 2015

.حـــــــــــــرف ورد .... بين مصطفى تيسير ... عونى هشام

...حـــــــــــــرف ورد .... بين
مصطفى تيسير ... عونى هشام
====================
مصطفى تيسير
=========
أنا شايفك
قدري علي جبيني ...
و كأنك
سارحه في شراييني ..
في كرات الدم
إتسحبتي ..
----------------
و كأنك
نور ضي في عيني ..
و فتحتي أحضانك
رحبتي ..
و كأنك في الدنيا
دي ديني ..
و صلاتي و صومي
و مسبحتي ..
------------------
و كأنك وردة
بتحييني ..
علي إيدي
كبيرتي و فتحتي ..
و كأنك حرف
في دواويني ..
متسجل عمرك
ما مسحتي ..
-----------------
و بقولك
لو راح تنسيني ..
يا حبيبتي
دا مش من مصلحتي ..
-------------------
بقلم ... مصطفي تيسير
==============
\\\\\\\\\\\\\\\\\\\\\\\\\\\
==============
شوف مصلحتك
========== بقلم عونى هشام
أنا عارف رسمك
وملامحك
والحب فى قلبى
لمصلحتك
أنا اسمى شفته
فى دواوينك
مع صورتى
وجنبها مسبحتك
-------------------
صورتك مرسومه
فى عينى
وحبك
فى القلب كاوينى
ومهما اتعذب
فى غرامك
هاغفرلك
وهاقول انا سامحتك
------------------------
بحبك
ولا شفت آسيه
وهواك عندى
نسمه هنيه
وبعيش كل حياتى
فى ذكرى
وحقيقة معاك
100 الميه
---------------
وهاردد اسمك
على طول
واعزفها
بعزف الارغول
وهاقول للناس
انى بحبك
وبعينى وقلبى
انا سكنتك
----------------
بس اوع
يغرك تنسانى
هاديك سكه
وشوف مصلحتك
وانا مصلحتى
اعيش فى هواك
ولا هانسى
انى فى يوم
انا شفتك
===========
\\ عونى هشام \\
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)

إعلانات