( رسمتك ) ـ بقلم الشاعر / عاطف حارس نور

رسمتـــك

رسمتك فوق رموش كحلتك
سطر حُب عنوان لكُل الدفاتر

رسمتك فوق شفايف بسمتك
أحلى قصيده حُب كتبها شاعر
رسمتك فوق شعرك وردتك
موجة هوا تلاعب أحلى الضفاير
رسمتك فوق خدودك ضحكتك
ورده حمرا عطرها فايح و طاير
رسمتك فوق الثغر و وجنتك
همس عُشاق بالليل اللي سامر
رسمتك حلم يلامس خد مخدتك
يشغل الفكر و القلب فيه حاير
رسمتك نعومة جمر أهواها بلمستك
خلتني مع النجوم للصُبح ساهر
رسمتك فوق الصدر و مُهجتك
بُستان من الجنه يغري كل عابر
رسمتك فوق الخصر و سُرتك
كوكب غزل يدور بفُلك المشاعر
رسمتك مع دلال رقة خطوتك
دقة موسيقىٰ تسحر أي ساحر
رسمتك حبيبي و ما آحلى رسمتك
يا أجمل لوحة جمال بكل المناظر
عاطف حارس نور