لو ع الوجع
لو ع الوجع أحكى إيه يا جدع
دا زمان أولعبان مليان بدع
وياما منه القلب اتوجع
على خصرها ...
على قدها...
على بقها ...
وانا عليا طين وأتران ...إتنقع
الكيل منها طفح
متسلسلة بجنازير مع الخنازير
خايفة من خيال مآتة فكراه بجهلها ببع
تبكى اليتيمة يتمها
والسعد واقف محتار
مين يوديه عندها
الخوف شعور مميت
زى المستميت وقت الغرق
تتشعبط روحه حتى على عيدان ورق
وتلفظ أنفاسه الأخيرة
وهوة طمعان فى النجاة م الغرق
محمد حسانين
ليست هناك تعليقات:
إرسال تعليق