عارفه لما ح شوفك
ح ضمك م الحنين..
ويمكن عـنـيا اتدمع
مـن شـوق الـسنين...
ويمكن يموت الكلام
وننـهى اللقا قوام
وعشان بس السلام
تتلاقى .. الإيدين...
*****
ويمكن قـلوبنا تحن
للماضى اللى فات
وياخدنا الماضى تانى
وتاخدنا الذكريات
****
ونعرف لغز فُرقنا
ونعرف مين فرقّنا
ومين اللى حياته كانت
واقفه على موتنا
****
صحيح مش ح يفيد
لكن يا حبيبتى اكيد
هتهدى قلوبنا شويه
وعذابنا مش ح يزيد
****
ويمكن مكتوب علينا
تفضل دموع عنينا
واللقا يبقى استحاله
الشوق يفضل كاوينا
***
لكن كل شئ جايز
ومفيش شئ
فـ الدنيا بعيد...
بس وقت ما تبقى عايز
الحاجه
متطولهاش الايـد...
وعشان كدا حاسس وواثق
اننا هنتقابل اكيد...
يوم القلب يبقى عاشق
وشايل حب جديد..
#عماد_رمزى
ليست هناك تعليقات:
إرسال تعليق