بقلـــــم: عــــــادل الشــــــهـــابى " أعـــــاهــدك يا مصــر "

1. أعـــــاهــدك يا مصــر

أعاهدك يا مصر إنى أحميكى ...

وبين عيونى أحطك يا غاليه وأراعيكى ...

ومن كل شر أخاف يا مصر أنا عليكى ...

أعاهدك يا مصر إنى أنورلك أنا ليلك ..

وأحافظ على ميتك اللى بتجرى فى نيلك ...

وعلى ضفافه يا مصر أفضل أغنيلك ...

أعاهدك يا مصر لصون اللى يصونك ...

واللى فى يوم يا مصر يفرح عيونك ...

أعاهدك ما أحطش أيدى فى إيد اللى يخونك ...

ولا فى إيد اللى يطير النوم من جفونك ..

أعاهد أكون جندى يحمى حدودك ...

أعاهدك يا مصر اكون أنا ليكى شمعه ..

بقولها بصوت عالى وأديكى يا مصر سامعه ...

أموت أنا ولا أشوفشى فى عنيكى يا مصر دمعه ..

يا مصر أنا حاسك وعارف إنك حسانى ...

سامعك بتقولى متأكده إنك هتخاف عليا وترعانى ..

وبحياتك مستعد تطيب أحزانى ....

أعاهدك يا مصر أحافظ على ترابك ...

ويكونوا أحبابى يا مصر كل أحبابك ...

يالى عُمرك ما كسفتى اللى جه ووقف على بابك ..

أعاهدك يا مصر يا نور العين ...

أعاهدك يا دم بيجرى فى الشرايين ...

أعاهدك يا جميله يا حلوة الحلوين ...

يالى ترابك تتكحل بيه كل عين ...

يا حضن دفى يا أمان لكتير ملايين ..

إنى أكون ليكى يا غاليه من المخلصين ..

أعاهدك يا مصر لرد عنك أعدائك ...

وأكون أنا الجراح اللى يبتر عنك كل دائك ..

وأخيرا يا مصر بتغنى أنا بوفائك ...

أعــــــاهــدك يــا مصــــــــــــر ....

بقلـــــم: عــــــادل الشــــــهـــابى