انا العنوان == بقلم / حاتم صلاح

انا العنوان
*******
فى كل وقت واى زمان
انا المرسى انا العنوان
تجينى تضمينى
تدفى قلوبنا بالاحضان
يمر الوقت فى لقانا
ننسى همومنا والاشجان
ولا تخافى من بكرة
زارع فرح طرحة امان
ما فات ماهوش ذكرى
موصول بزهر بالبستان
عيشى الغرام روح وفكرة
قلبى ليكى كل الاوطان
امحى الحزن من كونك
ولا يقرب الحرمان
انا ليكى بعيش فيكى
سارى عشقك بالشريان
فى كل وقت وكل زمان
انا المرسى انا العنوان
بقلم / حاتم صلاح