بلاش تتكلمى يا دنيا بقلـــــــم: عــــــادل الشــــــــهـــابى

بلاش تتكلمى يا دنيا

يا دنيا خلاص بلاش تتكلمى ....

ولا تتصعبى عليا وتتندمى ....

خلاص أتعودنا على غدرك ...

هاتى يا دنيا كل اللى عندك ...

هاتى وزيدى من جراحك ....

ندم يا دنيا كل اللى فى يوم أختارك ..

وراح وطرق عليكى باب دارك ..

يا دنيا ضاعت منك كل معانى الحياة ..

بتموتى اللى ممعاهوش وبتحيى اللى معاه ...

والصادق صدقه يموت جواه ..

والخاين ليه دايما منصراه ....

فيكى راحت كل معانى الأخوه ....

والأب فقد معنى الأبوه ...

بسألك يا دنيا عن الحنيه ....

وبسألك الناس ليه بقت رضيه ..

وليه النفوس مابقتش نقيه ...

يا دنيا كتير جيتلك وأترجيتك ...

وأتمسحت حتى فى جدران بيتك ...

ليه فيكى الخيانه بقت سلعه أساسيه ...

والناس لبعضها مابقيتش وافيه ..

ليه الأخ على أخوه هان ...

وليه الفقير ما يتعملشى على أنه أنسان ..

وليه الضعيف بين الناس يتهان ...

ليه يا دنيا عليهم تضحكى وتطلعى ليهم اللسان ..

يا دنيا خلاص مش عاوزين ملحك ولا عيشك ...

ولا خيرك ولا عاوزين حتى نعيشك ...

يا دنيا خلاص ماعدش ينفع الكلام ..

يا دنيا عليكى بقى السلام ...

بقلـــــــم: عــــــادل الشــــــــهـــابى