********** وداع ***********
انتى اللى كنتى فى حياتى ....
طفلة بريئة
حبى وصديقة
وأجمل حقيقة عشتها
قلبى خلاص بيودعك
مل الحياة ...
مل الليالى
اللى فى حبك سهرتها
كره السماح ...
من كتر الجراح
تعب اللسان من عدها
حتى الكلام
اللى ما بينا انتهى
********************
انتى اللى كنتى
فى حياتى
حلم عمرى والسنين
واجمل ورده فى بستانى
رويتها بحنانى وعشقتها
مش ح سامحك على اللى راح
او الومك ع الجراح
كل مرة كنتى فيها بتجرحينى
تخدعينى وتهجرى
ترجعى لى بالدموع وتندمى
سمحتك كتير اسمعى
اسف مش ح اقبل رجوع
ابدا مش ح مسح دموع
قلبى خلاص بيودعك
*********************
انتى كنتى فى حياتى
غنوة حلوة ونسمة ربيع
انتى اللى كنتى بين ضلوعى
ساكنة فى قلبى
بتجرى فى دمى
اتقلعتى من جدورك ومن وجودى
انتى اللى عشتى نبض قلبى
وبايديكى طفيتى ضيك وشموعى
قلبى خلاص بيودعك
********************
بقلم الشاعر \ سيد الدابى
ليست هناك تعليقات:
إرسال تعليق