روح تلاته وسبعين
مشهد رقم (2)
،،،،،،،،،،،،،،،،،،،،،،،،،
يالي انت عايز روح تلاته وسبعين ترجع
روح في كل مدينة وقرية وإفتح مصنع
روح ساعد الفلاح......علشان يقدر يزرع
روح إرفع المرتبات.....الدنيا عماله تولع
روح شوف الغلابة...حالهم يسم ويوجع
وكفاية إعلام فاسد في البلد عمال يرتع
يالي انت عايز روح تلاته وسبعين ترجع
روح نضف البلد...من الفاسده والخاينين
ورجع حق الشُهده.... في ثورة الياسمين
الخاين بيحلم بيوم رجوعه... للبرلمان!!!!
والحرامي بيتكرم وبياخد.... أرفع نيشان
والفقير بيذداد فوق الفقر .... فقر كمان
واللي يغيظك إن الحرامي...عايش بأمان
والغلبان زوار الليل واقفين له .. ع البيبان
يالي انت عايز روح تلاته وسبعين ترجع
قولي إزاي هترجع
وغرفة الولادة واقف عليها..مليون سجان
،،،،،،،،،،،،،،،،،،،
روح تلاته وسبعين
مشهد رقم (2)
بقلم الشاعر يوسف الحمله
3/9/2015
ليست هناك تعليقات:
إرسال تعليق