قصيدة الاسم مصر
قالوا اوصف لنا بلدك
قلت صبيه جميله جمال رباني
شعورها موجه بتعبر من شط لتاني
خدودها نيلها بيجري في شرياني
وعيونها سوده والكحل رباني
وعودها سنابل قمح مالوش مثيل تاني
والضحكة تخطف عقل الغريب في ثواني
عربية في الاصل وسيدة في زماني
الاسم مصر هو ده العنوان
زهرة ربيع وعز للعربان
نغم كروان علي عود كل فنان
بلد أمن وأمان ومحفوظها من الرحمان
أرض الكرم والجود ومهبط الاديان
أزهر منارة العلم ورساله في كل مكان
خير الجنود في الارض والشاهد القرأن
ليست هناك تعليقات:
إرسال تعليق