قول يا ألم --------بقلم الشاعر/احمد ابراهيم

الشاعر احمد ابراهيم

قول يا ألم
--------------
بقلم الشاعر /احمد ابراهيم
----------------------------------

قول يا ألم مين البريئ فيكى حببتى
ومين اتظلم
برد الشتا جوايه قلب بيترعش
والليل بيكسى الشوارع بالسواد
وسمعت صرخه من بعيد
ابنى الشهيد اصبح بعيد
يا حببتى مات
لما الضمير جواكى مات
لما الحنين جواكى مات
لما الصراخ جواكى اصبح موت سكات
لما البرئ اصبح مدان
لما الشيطان اصبح ملاك
لما الهلاك
جواكى بات
والدمع ساكن جوه منى والاهات
على ابنى اللى راح والجراح
جوايه تصرخ على الولد
اه اه اه يا بلد
دم الشهيد اصبح رخيص
مين الاصيل فيكى ومين
مين الخسيس
لما الجعان محتاج رغيف
لما المشرد مرمى منك ع الرصيف
بتقولى عشقه طب مدى ايدك طبطبى
افردى ايدك عليا وضللى
مشتاق حببتى لضمتك احضنى
عطشان بايدك شربينى محبتك
خلينى واحد جوة منك لسه عايش
خلينى اقول واسمعى
انا ابن ليكى من سنين
مش بردو ابنك ايوة ابنك
لو يوم اسيتى
عليا يوم هفضل احبك لازم احبك
لانى لونى ودمى طينى حته منك
عشقك حببتى
مهما غبتى او هربتى
او حتى يوم سبتينى سبتى
الحلم البرئ سبتينى وحدى
هفضل احبك واعشقك
جوايه قلب بيندهك
بيصحى فيكى الضمير اللى مات
برد الشتا جوايه قلب بيترعش
والليل بيكسى الشوارع بالسواد
وسمعت صرخه من بعيد
ابنى الشهيد اصبح بعيد
يا حببتى مات
-----------------------
بقلم الشاعر/احمد ابراهيم