تبكى و تتنهد زى ما يبكى طفل حزين
سألتها اسمك ايه قالت انا الانثى
الدمع يجرح خدودها نازل زى المطر من كل عين
مصدقتهاش و عدت عليها السؤال انتى مين
انا الانثى و ممكن احلف لك يمين
اتأثرت بيها و زعلت قوى عليها
كنت عايز اخدها حضن شوق و حنين
و غافلتها لحظه و مسحت دمعتين
و ليه بس البكا و اللى بكاكى مين
مين خلى دموعك تجرى ع الخدين
و قطّع هدومك و جرّح الايدين و الرجلين
انا يا صديقى جرحى من ابناء الوطن و الدين
حرقوا قلبى و عرّفونى طعم الانين
قطّعوا هدومى و حققوا اهداف الطامعين
و استحلّوا دمعى و انا دمعى غالى ثمين
و كترت فى حقى الفتاوى و التفانين
اما تعبت مبقتش عارفه اسمع لمين ولا لمين
انا الام اللى ربت البنات و البنين
و انا الاخت اللى ساعدت اخوها للمستقبل الزين
و انا البنت اللى شالت اهلها فى حبابى العين
و انا الحبيبه اللى ف حضها زال هم سنين
انا الام اللى الجنه تحت اقدامها الاتنين
انا رمز العطاء و مدرسة المبادىء و الدين
شوهونى ادعياء ملاعين و طمعوا فيه الطامعين
عايزين يرجعونى الاف السنين
قالوا كل المرأة عوره
و هى صوت الحق و منبع الثوره
هى اللى ربت الابطال و الادباء و الفنانين
و زرعت فيهم حب الوطن و احترام الدين
و هى اللى ربت العلماء و الجنود و السياسيين
قلت قومى يا امى يا اختى يا بنتى يا حبيبتى متسأليش فيهم
دول مش ولادك دول ناس مأجورين
و انتى هتفضلى مكرمه غصب عنهم
و مكانتك محفوظه بأمر رب العالمين
ليست هناك تعليقات:
إرسال تعليق