( عنتيل السنطه )بقلم.. هانى حُزين

حالة التردى الاخلاقى لازالت تدور رحاها بريحة عفنه كريهة وكأن الزنا صار مرتع ومثار جلسات نقاش ومسامرة ولا عزاء للقيم والاخلاق وثوابت الدين
وحسبي الله ونعم الوكيل...

@@@@@@@@@@@@
( عنتيل السنطه )
حقيقي حاجة تحزن..
وتحرق الدم كمان..
كل يوم فضيحة...
دايرة على كل لسان...
والُجرسه عماله تكبر..
والبركة ف الاعلام...
بعد عنتيل المحلة...
ظهر عنتيل جبان...
وضيع من غير قلب...
وم ينفعش نقول انسان..
يتدارى ورا الدقن...
ويسبُك الدور تمام...
والشعب عند الدين...
يقف تعظيم سلام...
يستغل الحوجه...
وظروف النسوان...
ويلعب ويقسم عليهم...
ولا اجدعها شيطان..
وطبعا لانه واطى...
وواخد ف السفاله نيشان..
داير يصور فيهم...
ف مكتب الاعلان...
ويحتفظ بوساخته...
بلاب توبه الجنان...
كأنه شجيع السيما...
كازنوافا الفنان...
مقاطع فيديو جنابه..
على موبايلات الجيران..
وشبكات التواصل...
فيس بوك وانستجرام..
والبيه عمل مصيبته...
وجاب العار لعيلته...
وهج...
قال...
طفشااااااااااااااان !!!!!
بقلمى..
هانى حُزين
13-11-2014