ساعة العصاري
قاعد علي القهوه
وبشرب شاي
شيشه جميله
ومدندشه
وعليه كمان
دخان
شربت منها
نفس
والنفس حامي
وحمي قلبي
واشعل النار فى وجداني
الحلوه جايه بتدلع
سامع دقة
كعبها العالي
فستان..متقمع
الوسط متحبك
وتحت الركبه
بيرفرغ
والخد احمر
وفيه الدم
لونه كرمان
شفايف كورد
نادي فى البستان
عيون ورموش مرسومه
وخلقه رب الكون
وانا بعشقه وبحبه
مجنون
طلعته ذي القمر
بدر ومنور
وانا من سنين
علي القهوه
بقعد
في ميعاده
وهيه جايه
بتتمايل
شمال ويمين
بحرث خطاه
وﻻحد ابدا
ينظر اليه
بغير عليه
من الهوا
يلمس خدوده
وﻻ يمر بعينه
بخاف عليه
من اﻻرض
وهيه مشي
تطبع فى رجلها
وكل يوم
شغلتي القهوه
وشرب الشاي لميعاد
حبيبتي
اشوفه
اشوف صورته
اشوف خايله
اسمع سيرته
اشم ريحة هواه
والريح بيمر علي
القهوه وبشرب شاي
شيشه جميله
طلع منها كمان
دخان
ليست هناك تعليقات:
إرسال تعليق