تعبت خلاص من العيشه
تعبت من اللى عايشينها
تعبت من الهموم والفقر
ودنيا حلوه وجميله
تملى كنا شايفنها
يادنيا فيكى ناس بتموت
وراسمه الحزن بجبينها
وناس ماتت ف عز البرد
وناس مش حاسه بالامهم
وناس الدنيا حاسيبنها
وناس مش حاسه بالغلبان
وعادى عيونها دى بتنام
ودايسين فوق رقاب الكل
ونامو وهما ظالمينها
يادنيا علينا ليه بتقوي
وبتخافى وتتذلى
لناس تانيه ولا تسوى
عشان يعني معاهم مال
ومنصب عندهم ورجال
مالينا رب خلق الكون
علينا اكيد رحيم وحنون
انا واحد مهوش مجنون
بقول الدنيا كرهينها
فى ناس الحب جواهم
مالوهش حدود
وناس اصلا ماتعرف حب
مهوش موجود
وناس الظلم عاميهم
وناس الهم ماليهم
وناس ع اللقمه بدور مالاقينها
وشايف ناس بتاخد بس مابتدى
تملى الحقد ماليهم
يقولو ايام وبتعدى
وناس الخير بتسعالو
تلاقى الشر قابلهم
غريبه بجد مش فاهم
حكايتك ايه بقى معانا
نكون فيكى بقى عايشين
وذلانا وكرهانا
ولو نطلب تخفى ف يوم
تزيدي لينا احزانك ووجعانا
وناس تشكى لناس تانيه ما سمعينها
وادينا عايشين واهى عيشه
وغصب علينا عايشينها
ليست هناك تعليقات:
إرسال تعليق