بيوت خاويه بقلم الشاعر /ناصر حافظ

#‏بيوت‬ خاويه #

*******

ياقلبي يا مظلوم @وبرضو بتداري *
مال غربتك طالت

عايش وحيد محوم @زودتلي ناري *
ولوعتك زادت
برمي عليك اللوم @خايف جروحي تدوم
* ليه ع الفراق ساكت
شكلك استسلمت @وبرضو ما اتكلمت *
ولا البعاد طاب لك
لسه كمان مافهمت @هو انت ما اتعلمت *
م اللي هنا قبلك
وشوش كتير حواليك @ ف الغربه بتقابلك
واللي هيسري عليك @ شايفه ف عيون الناس
اللي نسي ناسه @ وعايش حياته وحيد
واللي الزمان داسه @ وقرب يمد الإيد
واللي تعب نفسه @ علشان فلوس تزيد
نسي ان من غربته @ جرج الحياه بيزيد
زود فلوسه كتير @ لكن همه زاد
والحمل أصبح كبير @ واقف له بالمرصاد
إتمني يرجع فقير @ يادوب يلاقي الزاد
ولما فكر يعود @ ويودع الأغراب
مالقاش لنفسه وجود @ في لمة الأصحاب
طريق الوصال مسدود @ والأهل والأحباب
وشوش بلون الورود @ لكن قلوبها خراب
أولاد في جسم الأسود @ ونفوسها منكسره
قادت في قلبه نار @ وزادت الحسره
والعقل منه طار @ دي رحله صحيح خاسره
علشان ما يبني دار @ قضي علي الأسره
علشان مايبني دار @ حطم قلوب أسره
* حطم قلوب أسره *
                           بقلم /ناصر حافظ