ضيعي مني ف البــــلاد الكتيــــــرة
ضيعي مني في الفؤاد إنت الأميــرة
مهما رحتي ومهما جيتي
أوعي تنسي يا صغيـــرة
إني ناقـش علي خــد حـــرف إسمي
وإني راسم علي شعرك اجمل ضفيرة
ضيعي مني ف البــــــلاد الكتيـــــرة
ضيعي مني ف الفؤاد إنت الأميــــرة
ضيعي مني بس عايــزك تعـــرفي
إني عمــرك بعـد غـــربة
وإني فجرك بعدي غـربة
وإن ليلك ســاعتة صعبـة
ضيعي مني لكن أوعي تنــزفي
لحن قلبي اللي زارعة بالمحبـة
واللي طارح جوا اغصانك جزيـرة
ضيعي مني ف البـــلاد الكتيــــــرة
ضيعي مني ف الفؤاد إنت الأميـرة
إسمعيني يا حبيبتي ... بســألك
ليه تضيعي وانا ليكي.. منزلك
ليه كتبتي عشق قلبي ع المية
ليه زرعتي الجراح بين إيديا
دا انا روحي هي روحك
وإن دمك هو دمي
شمس قايدة ف سمــانـا الكبيــــرة
ضيعي مني ف البـــلاد الكتيـــرة
ضيعي مني ف الفؤاد إنت الأميرة
إنت الأميرة إنت الأميرة
************
ليست هناك تعليقات:
إرسال تعليق