بقلم /ناصر حافظ **أحوالك غريبه **

**أحوالك غريبه **

يا بلدنا يا حبيبه 

@اسمحيلي بالعتاب

انتي بلدي انتي طيبه 

@ ولاجزء من العذاب 

يااللي أحوالك غريبه 

@ حلمنا في قربك سراب 

ليه الأمان ما عادش ظاهر

@واختفي وسط الضباب

ليه الشريف ابوكف طاهر

@بتدوسيه تحت التراب 

والخسيس الندل دايما 

@ترفعيه فوق السحاب 

واللي يتكلم ف دين 

@ع القلوب كلامه مر 

واللي في الأديان يهين

@في الصحافه يبقي حر

اللي بيطالب بحقه 

@ للي بعده يبقي عبره 

واللي بيطول لسانه

@ يبقي أخد الحق خبره 

والعجوز من كتر همه

@ ماشي يستعرض جنونه 

والشباب ماعادش هامو

@في الطرق عارض فنونه

اللي بيجلجل في شعره 

@ واللي سقط بنطلونه 

والبنات يارب سلم 

@ م البادي والبنطلون 

واللي زاد وغطي أكتر

@ فيست تحته يادوب فيزون

واللي تبقي شريفه تلبس

@طرحه ماركة خمسه لون 

اللي لابسه لبس ديق 

@ تبقي واااو 

واللي لابسه لبس شرعي 

@ تبقي يع 

واللي صوته يبقي هادي 

@ واد عبيط 

واللي يشتم اهل حارته 

@ واد جدع 

كنا من زمان يابلدي 

@مشهورين بالاهرامات 

بقينا وسط الناس ياغاليه

@معروفين بالراقاصات 

مره فوفه ومره ديدي 

@والجداد يالهوي يانا دول كتير ده احنا زمان ما كنا نعرف 

@ غير تحيه وغير سهير 

اللي لو فيه واحده منهم جت زمانا

@من عمايل رقاصاتك تستجير

الأمل والفرحه ضاعت 

@ من قلوبنا 

وذوقنا اصبح في الحضيض 

@حتي ف ذنوبنا 

كات زمان سومه تغني بالساعات 

@علي جرحنا وواقفه هاديه 

دلوقتي تبقي مطربه و من رقصها 

@للغنا ما بقتش فاضيه

اللي يسرق فيكي 

@يسكن ف القصور 

واللي عايش بالأمانه 

@بينتظر لقمة ولاده بالطابور 

اكل عيشنا في الغلا 

@ اصبح مخيف 

غاز وميه وكهربا 

@ ورعب ربالنا الخفيف 

لحسن يطول بينا الطابور

@ وف اخره مانلاقيش رغيف 

ابن بطنك جوه حضنك

@ صار غريب 

والغريب علشان فلوسه

@ صار قريب 

اسمعي من ابنك ياغاليه 

@ بعدي ما تلاقيش حبيب 

لو سكتي ع المذله

@ يابلد موتك قريب 

انتي يا بلادي ف عله 

@ يارب يهديكي لطبيب

** يارب تهديها لطبيب **

بقلم /ناصر حافظ