(أنا ثاير)
أناثاير ومين ثارنى
دفعت الآه من دمى
على طيار ظالمنى
وداس الكل على قلبى
من أخوان وكمان نسرى
زرعت بدمى بستان
حصدهولى حيوان
كان ويايا فى الميدان
عافرت وقمت من تانى
على بركان كان جانى
من الإرهاب أخوانى
وزرعت ارضى من تانى
قلت دا نسرى وكمان كابى
اتارى النسر جارحنى
وكان مستنى أحزانى
عشان ارضى تبور تانى
ونيابه الزرق نهشانى
أنا فاعل ومفعول
انا قاتل ومقتول
أنا الحسره اللى واكلانى
على سنينى اللى واخدانى
إلى سجان وقضبانى
رغيف العيش كان قمحى
وكانت الخضرة من طينى
انا ثائر ومين ثارنىغير أوجاعى على بلدى
رسمت الآه من عمرى
وكل من جانى دا بعنى
ضميرى معايا مين شارى
لانى ضلوعى مش شايل
كلام شعارات وستاير
أنا الفلاح انا المصرى
أنا اللى زرعوا الشوك أرضى
أنا العامل بمجهودى
ألف وأدور لياليا
بدون أكل ولا ميه
وفى الأخر ما ألاقيشى
ولا حتى رغيف عيشى
وشبابك وثوارك
محابيسك فى أسوارك
والقاضى يقاضينى
عشان الحاكم عادينى
ميزان العدل مقلوب
يدوس الظلم بالشقلوب
عداله الله فى سماه
تنزل رحمه ع الآه
وانا ثائر ومين ثارنى
دفعت الآه من دمى
( حسن دنقل ابو أدهم)
ليست هناك تعليقات:
إرسال تعليق