هي دي الدنيا ♡
........................
يا اللي سحرك لون ورودها ♡
والحنان اللي ف ايديها ♡
والجمال اللي ف خدودها ♡
والأمان اللي ف عنيه ♡
يااللي خدعك طول وعودها ♡
وجوه قلبك بتداريها ♡
الأمل ف جبينها غرك ♡
والحنين للقرب جرك ♡
حلمت فيها تلاقي برك ♡
إياك تكون سلمت أمرك ♡
لو تشغل مره عقلك ♡
تعرف القصه وما فيها ♡
تلاقي ناس ف وسط ضيقها ♡
قلوبها صافيه والنفوس ♡
طيبه راضيه بنصيبها ♡
والكلام منهم دروس ♡
اشتروا الآخره ونعيمها ♡
ورجلهم ع الدنيا داست ♡
لانت الدنيا ومتاعها ♡
جت علي إيديهم تبوس ♡
وتلاقي ناس ضلت طريقها ♡
عشان تجمع ف الفلوس ♡
كتر الفلوس ما بل ريقها ♡
ابتدت ع الناس تدوس ♡
حلمهم كان جاه وسلطه ♡
لما فاقوا لاقوه كابوس ♡
خلق عايشه بالسفاهه ♡
بتاخد الحق بدراعها ♡
حتي من كتر افتراها ♡
واخده حق ماهوش بتاعها ♡
بس صبحت من طمعها ♡
مركبه مكسور شراعها ♡
مش هتبلغ يوم مناها ♡
مهما زاد في الموج صراعها ♡
والسبب كله ف شقاها ♡
حب في الدنيا ومتاعها ♡
بس تاهوا في المتاهه ♡
هي دي الدنيا وطباعها ♡
دايما تذل اللي اشتراها ♡
وتنطوي ف إيد اللي باعها ♡
بقلم / ناصر حافظ ☆
..........................
ليست هناك تعليقات:
إرسال تعليق